شقاوة كتكوته

عزيزي الزائر
ا
انت غير مسجل
بمنتدي شقاوة كتكوته

برجاء التسجيل
شقاوة كتكوته

اجتماعى ثقافى نسائى ترفيهى تعليمى

كتكوته يرحب باعضاءه ويعلن عن مسابقه الاشراف في المنتدي شقاوة كتكوته منتدي ليكي وليا يقدم احلي شقاوة وصفات الطبخ ارقي الازيا والموديلات والاكسسورات منتدي ديني وقصصي يقدم اغرب واحلي الصور منتدي شقاوة كتكوته يحتوي علي دردشه لتواصل بين الاعضاء والصحبه الحلوه

    ولادك بيحبوا زبادى الفواكه تعالى اقولك تعمليه ازاى وبالصور من مطبخى

    شاطر
    avatar
    روزان
    عضو فعال
    عضو فعال

    عدد المساهمات : 387
    السٌّمعَة : 4
    تاريخ التسجيل : 15/04/2010
    العمر : 28

    ولادك بيحبوا زبادى الفواكه تعالى اقولك تعمليه ازاى وبالصور من مطبخى

    مُساهمة من طرف روزان في الثلاثاء 25 يناير 2011, 10:59 am

    ازيكم يا بنوتات اخباركم ايه انا مش هاطول عليكم وهادخل فى الموضوع على طول
    اكيد اكيد ولادنا بيحبوا الزبادى بالفواكه واكيد احنا كمان
    عن نفسى انا مجنونه زبادى بالفواكه تعالى اقولك تعمليه ازاى
    اكيد كل واحده ليها طريقتها للزبادى ولو طريقتك مريحاكى اعملى بيها ولو مش عاجباكى اسمحيلى اقولك طريقتى

    1 ك لبن حليب
    كوب ونص زبادى
    8 ملاعق كبيرة لبن بودرة
    2 كوب ماء
    ملعقه سكر ودى علشان ساعات اللبن بيبقى مش حلو وبيخلى الزبادى مزز السكر بيضيع المزازة دى
    تغلى اللبن وتطفى عليه وبعدين تحطى عليه المياه واللبن البودرة ومعلقه السكر وتقلبيهم كويس وبعدين تسيبه يبرد شويه
    لما اللبن يبقى دافى وتحطى صباعك فيه وتستحملى درجه حرارته تدوبى الزبادى مع معلقتين لبن وبعدين تحطيه على حله اللبن وتقلبى كويس

    وبعد كده تحطيهم فى الاكواب وتغطيها بورق فويل
    وتكونى مسخنه الفرن 10 دقايق وترصى الزبادى فى صينيه وتحطيهم فى الفرن بعد ما تطفيه طبعا
    حسب حراره الجو يعنى لو فى الصيف يبقى كفايه 5 ساعات ولو فى الشتا زى دلوقتى سيبيهم 7 ساعات
    بعد ما تعدى ال 7 ساعات حطيهم فى التلاجه وبالف هنا
    الفاكهه بقى ممكن تحطى على الزبادى اى نوع انتى بتحبيه موز بيقى رائع
    فراوله بيبقى راقى
    مانجو بيبقى خطير
    خوخ مشمش تفاح اللى انتى او ولادك بيحبوه
    وممكن كمان فواكه مجففه ومكسرات بيبقى روعه
    انا النهارده عملته بالفراوله
    تغسلى الفراوله وتقطعيها قطع صغيرة وتضيفى السكر حسب رغبتك وتسيبيه حوالى ربع ساعه لحد ما يعمل صوص احمر خطير كده
    وبعدين تضيفيه على الزبادى وتقلبى وتاكلى احلى زبادى باحلى فاكهه
    ولو بتحبى الزبادوووو يبقى حطى الزبادى والفراوله والسكر فى الخلاط مع شويه لبن صغيرين اوى واضربى واتهنى باحلى زبادو
    والكوبايه دى لاحلى فراولايه قصدى لاحلى فتوكه واول فتوكه هاترد وتقيم
    ويارب يعجبكم ويارب تدعولى ربنا يهدى ابنى سراج وبنتى ملك ويحميهم
    avatar
    ملك
    Admin
    Admin

    عدد المساهمات : 276
    السٌّمعَة : 3
    تاريخ التسجيل : 19/04/2010
    العمر : 32

    رد: ولادك بيحبوا زبادى الفواكه تعالى اقولك تعمليه ازاى وبالصور من مطبخى

    مُساهمة من طرف ملك في الثلاثاء 08 مارس 2011, 11:52 am

    تسلم ايدك


    طريقه سهله وممكن كل ام تعملها بنفسها في البيت


    لان الاطفال بيميلوا للتغير

    والحاجات الجاهزه فيها مواد حافظه

      الوقت/التاريخ الآن هو الإثنين 11 ديسمبر 2017, 2:33 am