الفرق بين الحب والاعجاب

كتييير اوى مننا بنات او شباب بنخلط
بين الاعجاب والحب الحقيقى

اكيد كلنا مر فى حياته شخص كان فاكر انه بيحبه ولكن
اتضح له بعد كده ان ده كان مجرد إعجاب
او حصل انه اعجب بشخص اوى وكانت مجرد فتره فى حياته
وسابه واتضح له بعد كده انه هو الحب الحقيقى اللى كان بيدور عليه
فتعالو نشوف ايه هو الفرق بين الحب والاعجاب من وجهه نظرى
الاعجاب

هو لما تنجذب أو تعجب بصفات معينة فى شخص تعرفه وبتتعامل معاه أو حتى بتشوفه من بعيد
ممكن تعجبك طريقه كلامه أو طريقة تفكيره أو خفه دمه أو نظرته لمستقبله أو لشخصيته الممتازه وبالتالى بتشوف الكثير من مميزاته فبيحصل إنك عندك شعور قوي بالإعجاب به لدرجه ممكن تخليك تخلط بين هذا الإعجاب وبين الحب
ولكن إلي لازم نعرفه هو أن الإعجاب هذا يجب أن يكون مرحلة من مراحل الحب الحقيقى
والإعجاب ممكن يكون فى حياتنا العامة يعنى ممكن أن نعجب بشخصية معروفة فى المجتمع وبالتالى ممكن أن نعجب بأكثر من شخص فى وقت واحد
وأحيانا يتوهم الشخص عندما يحس بشعور الإعجاب تجاه شخص اخر ويظل يهتم بهذا الشعور حتى تصل لمرحلة إنك تتخيل شى وهمى فى عقلك وتتخذ بناء عنه خطوة مش فى في مكانها
الحب الحقيقى

أجمل إحساس ممكن تحسه أو تعيشه فى حياتك وهو عبارة عن شعور بتحسه ناحيه شخص معين وماتعرف اية السبب لأنها غريزه وضعها الخالق فى قلوبنا وبتقدر إنك تعبر عنها فى حرفين بس هم ح ب
وعشان تتاكد أن حبك هذا حب حقيقى مش مجرد إعجاب وخلاص لازم تمر بجميع مراحل الحب الطبيعيه



اولا: الانجذاب العاطفى


أنه مجرد إنك تحس إنك منجذب للشخص هذا وحاسس انك بتهتم به وبتهتم تعرف اخباره اكتر من اى واحد تانى


ثانيا:الاعجاب


وطبعا احنا اتكلمنا عنه وعاده الاعجاب بيبقى نتيجه للانجذاب العاطفى


ثالثا:بداية الحب


تصل الى انك ترى الشخص اللى قدامك اجمل انسان فى الوجود ويزيد اعجابك بيه فى هذه الفتره وبيختلط فى هذه الفتره احاسيس اخرى بالاضافه الى الاعجاب زى الاشتياق يعنى انك تكون لسه كنت معاه وتحاول انك تشوفه تانى وتبقى مش قادر تبعد عنه وعايزة يبقى معاك على طول
وحتلاقى فى الفتره هذه بتحاول تخلط المواقف اللى تجمعكم ببعض وتلاقيك بتستنى حتى الصدف اللى تجمعكم
يعني عادة فتره بداية الحب بتبقى قمه فى الرومانسيه وبعيده عن الواقع ومشاكله وعيوبه



الحب الحقيقى



فى هذه المرحله بتهدا المشاعر داخلنا وتصبح انسان ناضج تقدر تفكر بعقلك مع قلبك وهتشوف بجد حقيقه الشخص الى قدامك بمزاياه وكمان عيوبه
هيحصل في المرحله لحظات فرح كتيير ولكن حتظهر لحظات الزعل من الشخص إلي معاك لما تحط ايدك بجد على عيوبه لكن طبعا حتحاول من جواك انك تعديها واكيد هيحصل بينكم إختلافات لكن متخافوش فى المرحله دى بتبقى دليل على الحب الحقيقى
واذا قدر كل واحد فيهم انه يتحمل عيوب إلي قدامه ويقدر انه يمتصها ويخليها تبقى مجرد لحظات وتعدي وكأنها لم توجد هو إلي حيقدر يحافظ على حبه
ولو الواحد قدر يمر بالمراحل دي فى حبه فإنشاء الله الحب ده حب حقيقى مئه فى المئه
وعلى فكره ممكن انك تلاقى الحب الحقيقى فى حياتك وممكن متلاقيهوش فى حياتك وتنتهى العلاقه عند اى مرحله من هذه المراحل وممكن يحصل انك تكمل حياتك مع شخص لم تمر معه بهذه المراحل وقد تنجح وقد تفشل



وفى الاخر


يااااااااااااااااااااااااااااااااارب كل واحد فينا يلاقى الحب الحقيقى


وطبعا عايزة اعرف رأيكم بجد فى الكلام دة
ورأيكم فى الفرق بين الاعجاب والحب الحقيقى ؟



التوبيك دة انا عملتة علشان انا بشوف فى القسم اكترية المشاكل والاسئلة عن الاعجاب والحب ومش بنعرف نفرق وبنبقى محتارين


انا حاولت اجمعلكم وجهت نظرى فى الموضوع دة واتمنى انها تكون مفيدة ليكم وتقدروا تجاوبوا على نفسكم من خلال كلامى

الاعجاب مرحله اقل من الحب
لان الاعجاب ممكن يتحول حب

لكن الحب ميتقلبش اعجاب

شكرا على مرورك

الاعجاب نوع من انواع الانجذاب وممكن يكون من طرف واحد

بينما الحب شعور ومسؤليه ويجب ان يكون متبادل بين الطرفين

شكرا على مرورك

مش لازم الاعجاب يكون وراه حب .......بمعنى مش لازم يكون الاعجاب بين ذكر وانثى بغرض الحب فى النهايه لااننا ممكن نعجب بشخصيه مثلنا سواء انثى او ذكر بدون تفرقه النوع لااننا حينما نعجب بشخصيه لانفكر وقتها هل هدا انسان ينفعنا فى الارتباط او لاء؟ولا يكون لدينا اى اغراض من هذا الاعجاب للوصل الى حب فى النهايه...فدائما نعجب بشخصيات نقابلها فى الحياه ومستحيل ان نرتبط بهم عاطفيا ومع ذلك نعجب بهم وبشخصيتهم التى لا نراها الا فيهم دون غيرهم
فالاعجاب فى النهايه ليس بدايه لحب وانما بدايه لتكوين نظره جديده عن انواع مختلفه من النفس البشريه التى نعجز عن حصر انواعهاالمختلفه ..........ودى وجهه نظرى ف الاعجاب
موضوع جميل اوى
تقبل مرورى
فالاعجاب ليس الا تجربه من حياتنا تعرفنا ان هناك اناسا يستحقون الاعجاب

شكرا على مرورك

شكرا على مرورك